恒指周一（2日）反彈逾300點，重上18400水平，抹掉上周五大部份跌幅。指數近日難炒乃不爭的事實，上周五即市由高位回落近500點兼穿位，我為保住盈利，迫不得已減磅好倉，身邊進取的戰友，更用淡倉過周末。結果呢？如文初所言大反彈，名副其實好淡通殺。

中海油反覆升穿高位

中特估繼續成為資金追捧對象，中海油（0883.HK）反覆升穿高位，神華（1088.HK）亦穩步上揚，好彩本欄愛股中移動（0941.HK）亦不執輸，逐步逼近80蚊的新里程碑。

有嘢落袋 坐貨更安心

相信不少有貨嘅戰友都會忐忑不安，皆因上述股份乃收息之選，唔預期股價會行得好快，如今走勢比大市強，惹來「食糊定唔食糊」嘅happy problem。我揸住中移動，何嘗不是遇上同樣問題。好彩，集團將於星期四除息，每股2.2元，意味變相幫我止賺，雖然金額不算多，但總算有嘢落袋，成本拉低咗，坐貨會坐得更安樂，一句到尾，我終於搵到除息嘅最大功能了。