上週美股表現雖然仍然只是上落市，但納斯達克指數已經連續多個個交易日創新高，蘋果(AAPL.US)與及英偉達(NVDA.US)仍然是升市火車頭，好明顯AI概念同科技股仍然是市場關心重點。美匯指數在週一仍然企於105.5，而美元十年期債息回落至4.23，相信早前持有債券的投資者亦可以追回一部分損失。現時標普500指數平均盈率已經超過20，表面看已經唔平，但升幅主要集中在幾隻股份之中，所以亦有市場聲音認為並未到瘋狂水平。傳統股市智慧話畀我哋聽，升是莫估頂，所以上週美股走勢，個人並未開淡倉。

近期市場似乎非常擔心歐洲政治環境，影響資金轉至投資美國市場避險，如果呢個真係現實，美股又有新動力注入. 本週英國，澳洲，瑞士，挪威與印尼都會公佈議息結果，外匯市場走勢可能出現較大波動.上週美國經濟數據並不算特別強勁，市場又可以鬆一口氣，不過美匯走勢仍然強勁，黃金在內的資源價格走勢仍然未有起色。之前提到AI 仍然係美股主題，市場開始出現AI應用股份，上星期就有一隻Tempus(AITEM.US)上市，業務主要用AI作為醫療診斷，上市第一日升咗接近一成，表現算係有交代。AI需要大量能源支持運作，除了Bill Gate 投資新核能, Alphabet Inc.(GOOG.US)亦有提到與Berkshire Hathaway Inc Class A(BRK.A.US)旗下公司合作潔淨新能源，如果AI仍然炒作，加上北美熱浪又開始，相信電力股業會同步。

現時納指動力完全被微軟(MSFT.US)，蘋果以及英偉達三隻超過三萬億美元市值的巨頭所帶動，只要短線三隻可以保持輪流炒，相信NDX 升勢可以持續. 除此之外台積電(TSM.US)走勢接連破頂，原因可能與半導體有機會出現新一輪加價有關，TSM 三納米技術已經開始成熟，而且產能可為供不應求，單單係AAPL，NVDA，AMD, 已經可謂應接不暇，其訂單訂滿到2026年. 筆者一直認為TSM技術領先，一兩年之內仍然看不到有同業可以取代其領導地位，不過既然已經決定在11月美國大選之前，減低美股持倉，所以近日亦有少量沽出TSM，鎖定利潤。不過認為TSM 中線仍然有力在上，所以會惜貨而沽。